يا خسارة

البارحة بالطيف جدي جاني وبكامل وقارهبيده مگواره وسبحته بطول فارع وبسماره
گتله جدي گول احچي اظن جايبلي بشارهگلي جيت انشد عليكم عل وطن شنهو اخباره
گتله لا تسأل علينا ناس مبتليه حيارىكل فرد من عدنا تايه يمنته تنطح يساره
بين فايخ شاگ چفنه وبين ما يملك جگارهوبين زاويله بصريفه وبين محتله عماره
ينتظر تخلص العركه بين تياره وإطارهوالسياسي صار تاجر وحقق اهدافه وشعاره
والشعب مشلوع گلبه يلهط بليله ونهارهوالامن حاشاك جدي طامس بچيحة طهاره
والمدارس خير واجد ناقصه بس الادارهوالخزينه فرهدوها وصار سعر العمله پاره
والتكبسل صار جهره ) وترى الناس سكارى(تريد مني بعد أهذي حتى ما ترهملي چاره
وأرجع السجني اغني ) يا خساره يا خساره(گال انت شلون حالك گتله بواب بسفاره
گلي زين ونعمة الله هاي من عندك شطارهلكن اوصيك بوصيه عض عليها بكل مهاره
بوس هذا، واخوي هذا ، وذاك ادهنه بالاشارهباللواگه تنول حظك بالچذب أحسن تجاره
وآنه اضمن لك أبختي باچر أتحصل وزارههذا حال الدنيا بويه ) النار أولها شراره(
